साझाट्युव : वैशाख २७ , डडेल्धुरा । प्रधानमन्त्री तथा नेपाली कांग्रेसका सभापति शेरबहादुर देउवाले प्रदेशको राजधानी डडेल्धुरालाईनै बनाउने भनेर आश्वासन दिएका हुन् ।
गृहजिल्ला आइपुगेका देउवाले चुनावी सभामा संवोधन गर्दै डडेल्धुरामा विमानस्थल र सिटीहल निर्माण गर्ने बताउँदै प्रदेशको राजधानी पनि डडेल्धुरा नै बनाउने बताए हुन् ।
देउवाले भने, ‘पहिला डडेल्धुरामा र डोटीमा संरचनाहरु थिएनन । त्यसकारण राजधानी बनाउन सकिएन । अब संरचनाहरु निर्माण गर्छौ ।‘
र डडेल्धुरामानै प्रदेश राजधानी बनाउन सकिन्छ । त्यसपछि प्रदेश राजधानी पनि सार्न सकिन्छ ।’
डडेलधुरामा प्रदेश राजधानी बनाउनका लागि आफ्नो पार्टीले जित्नु पर्ने देउवाको भनाइ छ । हिजोनै गृह जिल्ला पुगेका देउवा मतदान गरेपछि मात्रै डडेलधुरादेखि काठमाडौं फर्किने छन् ।
