साझाट्युव : बैशाख ११,काठमाडौँ ।
मिडफिल्डर विक्रम लामा खेलाडी संघको अध्यक्षमा निर्वाचित भएका छन्।
अखिल नेपाल फुटबल संघ (एन्फा)को असार ६ गते हुने केन्द्रीय निर्वाचनका र प्रतिनिधि छनोट तथा नयाँ कार्यसमिति छनोटका लागि आइतबार भएको बैठकले राष्ट्रिय खेलाडी विक्रम लामालाई चयन गरेको हो ।
आजको बैठकले गोलकिपर विकेश कुथु, मिडफिल्डर सुजल श्रेष्ठ र डिफेन्डर विराज महर्जन उपाध्यक्ष चयन भएका छन्। यस्तै रन्जित धिमाल, अनन्त तामाङ, विशाल राई, विमल घर्तीमगर, सरोज दाहाल, रोहित चन्द र विशाल श्रेष्ठ सदस्य चुनिएका छन् ।उपाध्यक्ष र सदस्य निर्विरोध चयन भएका हुन्।
अध्यक्ष निर्वाचित भएपछि लामाले खेलाडीको हकहितका लागि आवाज उठाउने बताए ।
