साझाट्युव : बैशाख ११,काठमाडौँ ।
काठमाडौंको काँडाघारीमा मोटरसाइकल दुर्घटना हुँदा दुईजनाको मृत्यु भएको छ ।आज आइतबार बिहान खहरे चोकबाट काँडाघारीमा तर्फ जाँदै गरेको मोटरसाइकल अनियन्त्रित भएर बिजुलीको पोलमा ठोक्किदा उक्त घटना भएको हो । उनिहरु दुवैजना बौद्धको नयाँ बस्तिमा बस्दै आएका थिए ।
दुर्घटनामा परेर मोटरसाइकलमा सवार ओखलढुंगाको सुनकोशी–६ घर भएका अन्दाजी ३२ वर्षीय कमल आले मगर र २१ वर्षका गोपाल आले मगरको मृत्यु भएको उपत्यका ट्राफिक प्रहरी कार्यालयले जनाएको छ । मृतक मध्ये एकजना चालक हुन् ।
दुर्घटनापछि उपचारको क्रममा महांकालस्थित राष्ट्रिय ट्रमा सेन्टरमा आज बिहान सवा ६ बजे मृत्यु भएको महानगरीय प्रहरी प्रभाग काँडाघारीले जनाएको छ । दुर्घटनाबारे प्रहरी प्रभाग काँडाघारीले अनुसन्धान गरिरहेको छ ।
