साझाट्युव : २६,असार, काठमाडौं ।
साताको पहिलो दिन सुनचाँदी बजारमा मूल्य उकालो बढेको छ । आज छापावाल सुनको मूल्य प्रतितोला रु ९४ हजार ८०० रुपैया तोकिएको छ ।
हिजो प्रतितोला रु ९४ हजार ६०० मा कारोबार भएको पहेँलो धातुको कारोबार मूल्य आज प्रतितोला रु २००ले बढेको छ । नेपाल सुनचाँदी व्यवसायी महासङ्घले सार्वजनिक गरेको विवरण अनुसार आज तेजाबी सुनको मूल्य प्रतितोला रु ९४ हजार ३०० तोकिएको छ । यसको मूल्य हिजो प्रतितोला रु ९४ हजार १०० थियो ।
त्यसैगरी आज चाँदीको मूल्य अघिल्लो कारोबार भएको मूल्यका तुलनामा स्थिर रही प्रतितोला रु एक हजार १८५ कायम भएको महासङ्घले बताएको छ ।
