साझाट्युव : १४ असार, भक्तपुर ।
भक्तपुरमा एक जना २१ वर्षीया युवतीमाथि जबरजस्ती करणी गरेको आरोपमा एक जना युवक पक्राउ परेका छन् । मंगलबार बिहान प्रहरीले सूर्यविनायक नगरपालिका-२ बालकोट बस्ने २५ वर्षीय मनिष खत्रीलाई पक्राउ गरेको छ ।
सूर्यविनायक नगरपालिका-९ ती युवतीलाई बासघारीस्थित रुहोसा रिसोर्टमा मनिषले जबरजस्ती करनी गरेको सूचना प्राप्त हुनेबितिकै प्रहरी वृत्त जगातीदेखि खटिएको प्रहरीले उनलाई पक्राउ गरेको हो ।
त्यसैगरी पर्सामा पटेर्वासुगौली गाउँपालिका-१ गदियानी टोल बस्ने ५० वर्षीय जाजुल राउत गद्दीलाई १० वर्षीया बालिकामाथि जबरजस्ती करणी गरेको अभियोगमा प्रहरीले सोमबार दिउँसो पक्राउ गरेको हो । ती बालिकालाई गद्दीले जबरजस्ती करणी गरेको भन्ने सुचना पाउनासाथ इलाका प्रहरी कार्यालय पटेर्वासुगौली र प्रहरी चौकी रंगपुरटाँडीदेखि खटिएको प्रहरीले उनलाई पक्राउ गरेको हो । यस सम्बन्धमा प्रहरीद्वारा थप अनुसन्धान भैरहेको छ ।
