साझाट्युव : २९ वैशाख, काठमाडौं ।
नेकपा एमाले सन्दकपुर गाउँपालिकाको अध्यक्ष पदका उम्मेदवार उदय राईलाई आर्थिक चलखेल गर्न लागेको आरोपमा प्रहरीले नियन्त्रणमा लिइएको हो।
उनीसहित वडासदस्य पदकी उम्मेदवार सीता कार्कीलाई समेत नियन्त्रणमा लिइएको छ। मौन अवधिमा दुबैजनालाई प्रचार–प्रसारको काममा लागेको भन्दै स्थानीयवासीले नियन्त्रणमा लिएको हो ।
उक्त गाउँपालिका–५ को जमुनामा बुधबार राति पुगेका उनलाई नियन्त्रणमा लिइएको थियो ।
जिल्लास्थित सशस्त्र प्रहरी बलका प्रमुख सुरेश सापकोटाले असुरक्षित हुने देखिएपछि सुरक्षाका लागि राखिएको बताए । मौन अवधिमा उम्मेदवार राईले मतदाताहरूलाई पैसालगायतका प्रलोभनमा पार्न लागेको भन्दै स्थानीयवासीहरुले विरोध गरेका थिए ।
आचारसंहिता उल्लङ्घन गरेको भन्दै उनलाई कारबाही गर्नसमेत उनीहरुले माग गरेका थिए ।
