साझट्युब : १३ जेठ, काठमाडौं ।
काठमाडौँ महानगरपालिकाको मेयरमा स्वतन्त्रबाट उठेका बालेन शाह निर्वाचित भएका छन् । काठमाडौं महानगरपालिकाले निर्वाचन भएको १४ दिनपछि मतगणना सकिएको हो र साहले ६१ हजार ७६७ मत ल्याएर विजयी भएका हुन् ।
उनका निकटतम प्रतिद्वन्द्वी कांग्रेसकी सिर्जना सिंहले ३८ हजार ३४१ मत ल्याइन् । त्यस्तै एमालेका केशव स्थापितले ३८ हजार ११७ मत ल्याए । शाहले सिंहको भन्दा २३ हजार ४२६ मत ल्याए ।
त्यस्तै उपमेयरमा एमालेकी सुनिता डंगोल निर्वाचित भइन् । उनले नेकपा एकिकृत समाजवादीका रामेश्वर श्रेष्ठलाई पराजित गर्दै उपमेयरमा विजयी भएकी हुन् । डंगोलले ६८ हजार ६१२ मत ल्याइन् भने श्रेष्ठले २३ हजार ८०६ मत ल्याएको निर्वाचन आयोगले जनाएको छ ।
