साझट्युब : २७ जेठ, काठमाडौं ।
लोकतान्त्रिक समाजवादी पार्टीकी सांसद चन्दा चौधरीद्वारा आफूलाइ आक्रमणको प्रयास गरेको र आमालाइ समेत दुर्व्यवहार गर्नेलाई कारबाही हुने प्रक्रिया कहाँ पुग्यो र के भैरहेको छ,भन्दै गृहमन्त्री बालकृष्ण खाँणसित जवाफ मागेकी हुन् ।
प्रतिनिधि सभाको शुक्रबारको बैठकमा चौधरीले गएको २७ वैशाखमा सत्तारुढ दलका व्यक्तिले आफू र आफ्नी ८० वर्षीया आमामाथि दुर्व्यवहार गर्ने ब्यक्तिलाइ कारबाही प्रक्रियाबारे सदनमा गृहमन्त्री बालकृष्ण खाँणले जवाफ दिनुपर्ने भनेकी छिन् ।
गत स्थानीय तह निर्वाचनको समयामा घरमै रहेका बेला सत्तारुढ दलका व्यक्तिले ज्यान लिने गरी आएका र स्थानीय प्रशासनले आफूलाई उद्धार गरेको उनले जानकारी दिएकि हुन् ।
त्यसैगरी वृद्धा आमा समेतलाई दुर्व्यवहार र आफ्नो ज्यान लिन खोज्नेलाई कानुनी कारबाही गर्नुपर्ने माग राख्दै सांसद चौधरीले कारबाही प्रक्रियाबारे जानकारी मागेकी छिन् ।
बिगत २७ वर्षबाट आफ्नो परिवारमाथि आक्रमण भइरहेको भन्दै उनले २७ वर्षअघि बेपत्ता बनाइएको दाइबारे अझै अतोपतो नभएको भनेकी हुन् ।
