साझाट्युव : चैत १५ ,डोटी।
डोटीको पूवीचौकी गाउँपालिका–७ सिमकट्टेमा मंगलबार ट्रयाक्टर दुर्घटना हुँदा चालकको घटनास्थलमै ज्यान गएको छ भने ट्रयाक्टरका परिचालक पनि गम्भीर घाइते भएका छन् ।
यसरि मृत्यु हुनेमा ट्रयाक्टर चालक कैलालीको गौरीगंगा नगरपालिका–४ चौमालाका २५ वर्षीय ज्ञान बहादुर चौधरी रहेका छन् ।
साथै,दुर्घटनामा परी घाइते भएका ट्रयाक्टरका परिचालक अछामको चौरपाटी नगरपालिका–३ का २४ वर्षीय नर बहादुर भुल हुन् ।उनको उपचार जिल्ला अस्पताल डोटीमा भइरहेको छ ।
प्रहरी चौकी सानागाउँ डोटीले जानकारी दिए अनुसार डोटीको गजाडाबाट चौखुट्टेतर्फ जाँदै गरेको से १ त ७८३९ नम्बरको ट्याक्टर अनियन्त्रित भइ पल्टिएको छ ।
