साझाट्युव : चैत १६ ,काठमाडौं।
नेपालका निम्ति अमेरिकी राजदूतमा डिन थम्पसन चयन भएका छन् ।
ह्वाइट हाउसले जनाए अनुसार अमेरिकी राष्ट्रपति जो बाइडनले थप्सनलाई नेपालका लागि राजदूत नियुक्त गरेको हो ।
अब थप्सनले अहिलेका अमेरिकी राजदूत र्याण्डी बेरीलाई प्रतिस्थापन गर्नेछन् ।
उनी हाल अमेरिकाका लागि दक्षिण र मध्य एसियाली मामिला व्युरोका उपसहायक सचिवमा कार्यरत हुन् । अमेरिकी नीति अनि उक्त क्षेत्रका देशहरुसँगको सम्बन्धबारे हेर्ने जिम्मा थप्सनको छ ।
अमेरिकी कूटनीतिमा उनिसँग लगभग २५ वर्षभन्दा पनि बढी समयसम्म दह्रिलो काम गरेको अनुभव रहेको छ ।
यसैगरी,थप्सनले मलेसियाको क्वालम्पुरस्थित अमेरिकी दूतावासमा डेपुटी चिफ अफ मिसनको रुपमा काम गरेका थिए भने रोमानियाको बुखारेष्टस्थित अमेरिकी दूतावास,त्यस्तै भारतको कोलकातामा अमेरिकी कन्सुलर जनरल अनि श्रीलंकाको कोलम्बोस्थित अमेरिकी दूतावासको आर्थिक तथा वाणिज्य मामिला विभाग प्रमुखको रुपमा समेत काम गरिसकेका छन्।
