साझट्युब : ४ जेठ, काठमाडौं ।
नेपाल क्रिकेट संघ (क्यान) ले नेपाल टी–२० लिगको आधिकारिक घोषणा गरेको छ ।आज बुधबार राजधानीको एक होटलमा कार्यकम आयोजना गर्दै संघ (क्यान) ले नेपालको आधिकारिक टी–२० लिग घोषणा गरेको हो ।
असोज ८ देखि कात्तिक ५ सम्म हुने नेपाल टी–२० लिगमा ६ टिमले प्रतिस्पर्धा गर्नेछन् । खेल त्रिवि मैदान कीर्तिपुरमा हुने छ ।
यसको पहिलो संस्करण सेप्टेम्बर २४ देखि अक्टुबर २२ सम्म हुने छ । आगामी १५ दिनमा टिम लगायत सबै कुरा घोषणा हुने नेपाल क्रिकेट संघ (क्यान)का अध्यक्ष चतुरबहादुर चन्दले बताए ।
