साझाट्युव : ५ असार, काठमाडौं ।
भारतको पटनादेखि राजधानी नयाँ दिल्लीका निम्ति उडेको स्पाइस जेटको विमानमा आकाशमा नै आगो लागेको छ ।
आगो लागेको लगतै विमानलाई पटना विमानस्थलमा नै आकस्मिक अवतरण गराइएको छ । त्यस्तै एक सय ८५ जना यात्रु बोकेर दिल्लीका निम्ति उडेको विमानको बायाँ इन्जिनमा चरा ठोक्किएर आगो लागेको थियो ।
विमानमा आगो लागेता पनि विमानमा भएका यात्रु र चालक दलका सदस्य सबै सकुशल रहेका छन् ।
विमानमा आगो लागेको इन्जिनलाइ पाइलटले बन्द गरेर सुरक्षित अवतरण गराएका छन् ।
उडिरहेको विमानमा आगो लागेको जमिनदेखि देखिएको थियो । भने आगोलागेको देख्नेहरुले प्रहरी र विमानस्थललाई जानकारी दिएका थिए ।
