साझट्युब : ११ जेठ, काठमाडौं ।
बुधबार पाल्पाको तानसेनमा सालको काठसहित दुई जना पक्राउ परेका छन् । अवैध रुपमा सालको काठ निर्यात गर्न तानसेन हुँदै बुटवलतर्फ लैजाँदै गरेको अवस्थामा दुई जना प्रहरीले पक्राउ गरेका हुन्।
बोलेरो जीप नम्बर लु १ ज २५९१ रहेको जीपबाट २४ गोलिया सालको काठ बरामद गरिएको जिल्ला प्रहरी कार्यालय पाल्पाका सूचना अधिकारी बीरेन्द्र थापाले जनाए ।
तानसेन नगरपालिका वडा नं. १३ केरबादीदेखि बुटवलर्फ लैजाँदै गरेको अवस्थामा २४ गोलिया सालको काठ प्रहरीको टालीले तानसेन बसपार्क नजिकै चेकिङ गर्ने क्रममा काठ बरामद गरेको जनाएको छ ।
गाडीसहित २ जनालाई नियन्त्रणमा लिएर डिभिजन वन कार्यालयको जिम्मा लगाई थप अनुसन्धान जारी रहेको प्रहरीले जनाएको छ ।
