साझाट्युव : चैत ८,काठमाडौं ।
पल्सर स्पोर्ट्स अवार्ड २०७७ अन्तर्गत नेपाली पुरुष फुटबल टिमले टिम अफ दि इअरको अवार्ड जितेको छ ।
मंगलबार नेपाल खेलकुद पत्रकार मञ्च (एनएसजेएफ) ले आयोजना गरेको १८औं संस्करणको अवार्ड समारोहमा पुरुष फुटबल टिम वर्षकै उत्कृष्ट घोषित भएको हो ।
यो फुटबल टिमले २०७७ साल चैत महिनामा दशरथ रंगशालमा आयोजना भएको थ्री नेशन्स कप फुटबल प्रतियोगिताको उपाधि चुमेको थियो ।
बंगलादेश र कीर्गिस्तानको यू२३ टिम सम्मिलित उक्त प्रतियोगिताको फाइनलमा नेपालले बंगलादेशमाथि २-१ ले विजय प्राप्त गर्दै उपाधि जितेको थियो ।
नेपालले आफ्नो घरेलु भूमिमा३७ वर्षपछि जितेको त्यो पहिलो उपाधि समेत हो ।
