साझाट्युव : १५ साउन, काठमाडौं ।
आज बिहान खोटाङको मार्तिमबिर्तालाइ केन्द्रबिन्दु बनाएर गएको भूकम्पले खोटाङमा एउटा घर र भोजपुरमा २ वटा भत्केका छन् ।
भूकम्पले भोजपुर नगरपालिका स्थित वडा नम्बर १२ टक्सारमा २ वटा घर भत्केर क्षतिग्रस्त भएको भोजपुर प्रहरीले बताएको छ । त्यस्तै गरेर खोटाङको साकेला गाउँपालिकामा पनि एउटा घर भत्केर क्षतिपुगेको छ । भूकम्पले त्यस्तो मानवीय क्षति भने भएको छैन ।
राष्ट्रिय भूकम्प मापन तथा अनुसन्धान केन्द्रले आज बिहान ८ बजेर १३ मिनेटमा खोटाङको मातिमबिर्तालाइ केन्द्रबिन्दु बनाएर ६ रेक्टर स्केलको भूकम्प गएको जानकारी दिएको छ।
पूर्वी नेपालमा भूकम्पको जोडदार धक्का महसुश भएको र १ मिनेटसम्म कम्पन रहेको स्थानीयले भनेका छन् । भूकम्पको धक्का काठमाडौं उपत्यका र आपसपासका क्षेत्रमा समेत महसुस भएको थियो ।
