साझट्युब : २५ जेठ, काठमाडौं ।
नेकपा एमालेकी सचिव पद्मा अर्यालले प्रधानन्यायाधीश चोलेन्द्र शमशेर जबराविरुद्ध लगाइएको महाअभियोग टुंगोमा पुर्याउनुपर्ने बताएकी हुन् ।
आज बुधबार संघीय संसद भवन नयाँ बानेश्वरमा पत्रकारहरुसँग कुरा गर्दै अर्यालले महाअभियोग प्रस्ताव छलफल नगरी राख्न नहुने बताएकी हुन् ।
अर्यालले भने ‘महाअभियोग लगाइसकेपछि कानूनत, संविधानत, जे व्यवस्था छ त्यसलाई त पूरा गर्नुपर्यो नि’ …मान्छेको जीवनमा चार्ज लगाएर सार्वभौमसत्ता सम्पन्न संसदमा ल्याएर छलफल नगरीकन त्यत्तिकै पेन्डिङ गरेर बसिरहने कुरा हुन्छ त ? यात दर्ता गर्नु हुदैन थियो ।’
उनले सत्तारुढ गठबन्धनले महाअभियोग प्रस्ताव पारित गर्न नभई आफ्नो उद्देश्य पूरा गर्नलाइ मात्र ल्याएको टिप्पणी पनि गरिन् । ‘ नेकपा एमालेले त त्यतिबेलै भनेका थियौं । यो महाअभियोग पास गर्नका निम्ति ल्याइएको होइन । निश्चित उद्देश्य पुरा गर्नको निम्ति ल्याएको हो, त्यो कुरा आज पुष्टि भएको छ’ भनिन् ।
