साझाट्युव : १७ भदौ, विराटनगर ।
नेपाली कांंग्रेस मोरङ क्षेत्र नम्बर २ बाट प्रतिनिधिसभामा प्रत्यक्ष तर्फको उम्मेदवारका निम्ति दुई जनाको नाम सिफारिस गरेको छ ।
सांसद डा. मिनेन्द्र रिजाल साथै केन्द्रीय सदस्य सुजता कोइरालाको नाम सिफारिस गरेको छ । क्षेत्र नम्बर २ का सभापति नागेश्वर सिंहका अनुसार सर्वसम्मतबाट पारित नभएपछि दुई जना आकाक्षीको नाम सिफारिस गरेको हो ।
रिजाल २०७४ सालको निर्वाचनमा बाम गठबन्धनका उम्मेदवार ऋषिकेश पोखरेललाई पराजित गर्दै संसदमा बिजयी भएका थिए ।
उनी पुनः टिकटको दाबेदार छन् । सुजता कोइराला भने बुबा गिरिजाप्रसाद कोइरालाले चुनाव लडेको क्षेत्रदेखी आफू उम्मेदवार बन्ने भन्दै आएकी छन् । दुवै नेताबिच एक अर्कालाई समानुपातिक सूचीमा बस्न अनुरोद गर्दै आएका छन् ।
नेकपा एमालेदेखि क्षेत्र नम्बर २ मा जिल्ला अध्यक्ष तथा संविधानसभा सदस्य ऋषिकेश पोखरेल एकल दाबेदार रहेका छन् ।
