साझट्युब : ३०, वैशाख, रौतहट । रौतहटको यमुनामाई गाउँपालिकामा मतपेटिका लुटपाट गरेको छ । यमुनामाई गाउँपालिकाको वडा नम्बर १ को चिकना जेठरहिया ‘क’ मतदान स्थल तथा वडा नम्बर २ को एक मतदान स्थलदेखि मतपेटिका लुटिएको छ ।
यमुनामाईमा जनता समाजवादी पार्टी, नेपाली कांग्रेस र नेकपा एमालेका कार्यकर्ताबीचबिबाद भएपछि झडप भएको थियो । तर मतदान स्थलमा हुलदंगा भएको साथै आक्रोसित भीडले मतदान केन्द्रलाइ कब्जामा लिएर मतदान भएको र बाँकी रहेको मतपत्र च्यात्नुका साथै मतपेटिक पनि तोडफोड गरेका छन् ।
त्यसैक्रममा केहीले मतपेटिका समेत लिएर भागेका थिए । प्रहरीले पानी हालेको अवस्थामा मतपेटिका बरामद गरेको बताएको छ । दुवै स्थानमा मतदान रद्द गरिएको निर्वाचन अधिकृत हरिप्रसाद शर्माले बताएका छन् ।
