साझट्युब : २२ जेठ , काठमाडौं ।
आइतबार विहान रुपन्देहीको रोहिणी गाउँपालिकामा बस दुर्घटना भएको छ । मृत्यु हुने ९ जनामध्ये ६ जनाको आज सनाखत भएको हो भने दुर्घटनामा २४ जना घाइते भएका छन् ।
३३ जना सवार लु २ ख ३८४१ नम्बरको बस रोहिणी पुलबाट नदीमा खस्दा मृत्यु हुने ६ जनाको पहिचान खुलेको छ भने ३ जनाको अझै सनाखत नभएको जिल्ला प्रहरी कार्यालयले जनाए ।
दुर्घटनामा मृत्यु हुनेहरुमा रुपन्देहीकै बुटवल उपमहानगरपालिका-११ कालिकानगरका ४८ वर्षीय कृष्णप्रसाद बस्याल, भारत जनकपुरग्रामका ४० वर्षीय अरबिन्द शर्मा हुन् भने रुपन्देहीको ओमसतिया गाउँपालिका-४ का ६५ वर्षीय राजेन्द्र पाण्डे, तिलोत्तमा नगरपालिका-८ कि ३७ वर्षीया तुलसी बस्याल, तिलोत्तमा-२ योगीकुटीका ६५ वर्षीय विष्णु पौडेल, रौतहट चन्द्रनिगाहपुरका २० वर्षीय दिनेश दास रहेका छन् ।
परिचय नखुलेका ३ पुरुष ३० देखि ४५ वर्षसम्मका देखिने जिल्ला प्रहरी कार्यालय रुपन्देहीका प्रवक्ता नवरत्न पौडेलले जनाए ।
