साझट्युब :१ जेठ, सिन्धुली ।
सिन्धुली जिल्लाका ७९ वडामध्ये १७ वडामा मतगणना सकिएर परिणाम आएको छ ।
परिणाम अनुसार नेकपा (माओवादी केन्द्र)ले ९, नेपाली कांग्रेसले ५ र नेकपा (एमाले)ले ३ वटा वडामा विजयी भएका छन् ।
माओवादी केन्द्र मरिण गाउँपालिका १, २, र ३, गोलन्जोर १, फिक्कल १, घ्याङलेख १ र ५ तथा दुधौली नगरपालिकाको १३ र १४ नम्बर वडामा विजयी भएको छ ।
यसैगरी नेपाली कांग्रेस तीनपाटन गाउँपालिकाको वडा नं २, १० र ११, हरिहरपुरगढी २, र गोलन्जोर २ मा विजयी भएको छ ।
एमाले भने हालसम्म हरिहरपुरगढीको २, तीनपाटन १ र कमलामाइ नगरपालिकाको ३ नम्बर वडामा विजयी भएको छ ।
सिन्धुलीका सबै पालिकाहरूमा मतगणना शान्तिपूर्ण रूपमा जारी छ ।
