साझाट्युव : १७ असार, विराटनगर ।
स्कुल बसले ठक्कर दिएकि घाइते बालिकाको उपचारको क्रममा मृत्यु भएको छ ।
मोरङको रङ्गेली नगरपालिका–७ स्थित माउन्ट मकालु बोर्डिङ स्कुलको बसले गत मंगलबार ठक्कर दिंदा घटनास्थलमानै रङ्गेली–७ का ४ वर्षीय रीतिक मण्डल बालकको मृत्यु भएको थियो, भने रङ्गेली–६ की ६ वर्षीय बालिका सुनमकुमारी गम्भीररुपमा घाइते भएकी थिइन् ।
घाइते ६ वर्षीय बालिका सुनमकुमारी मण्डलको शुक्रबार न्यूरो अस्पताल विराटनगरमा उपचार भईरहेको क्रममा मृत्यु भएको प्रहरीले जानकारी दिएको छ । उनी सोही बोर्डिङको एलकेजीमा अध्ययनरत थिइन् । भने चार बर्षिया बालक रीतिक मण्डल नर्सरीमा अध्ययनरत थिए । उनीहरुलाई मङ्गबार दिउँसो को १ क ११३० नम्बरको बसले ठक्कर दिएको थियो ।
स्कुल छुट्टि भएर पैदल घरजाने क्रममा सुनमकुमारी र रीतिकलाई स्कुलको गेटनजिकै बसले ठक्कर दिएको थियो ।
अरु विद्यार्थीलाई घर पुर्याउनका निम्ति स्कुलबाट निस्किएको बसले दुई बच्चालाई ठक्कर दिएको विरोधमा स्थानीयले स्कुलको अर्को बसमा तोडफोड गरेका थिए ।
