साझट्युब : ९ जेठ, काठमाडौं ।
एसी मिलानले ११ वर्षको अन्तारल पछि इटालियन सिरी ए फुटबलको उपाधि हात पारेको छ ।
गएको आइतबार राति भएको यस सिजनको आफ्नो अन्तिम लिग खेलमा सासोउलोलाई ३-० ले पराजित गराउदै मिलान २०११-१२ पछि पहिलो पटक च्याम्पियन भएको छ । मिलानले समग्रमा १९औं पटक लिग उपाधि बिजयी भएको हो ।
मिलानले छिमेकी इन्टर मिलानलाई दुई अंकले पछि परेको थियो । इन्टरले साम्पडोरियालाई ३-० ले नै पराजित गरेतापनि उपाधिलाइ रक्षा गर्न भने सकेन ।
एसी मिलानको बिजयिमा ओलिभर जिरुडले दुई तथा फ्रान्क केसीले एक गोल गरेको थियो ।
बिजयापछि मिलानले ३८ खेलमा ८६ अंक जोड्दा इन्टरले ८४ अंक जोडेर दोस्रो स्थानमा लिग सकेको थियो।
