साझाट्युव : बैशाख ९, काठमाडौँ ।
पेप्सिकोलामा जिपमा मोटरसाइकल ठोक्किदा चालकको मृत्यु भएको छ भने एक जना घाइते भएका छन् ।
जडिबुटीबाट काठमाडौंको पेप्सिकोलातर्फ जाँदै गरेको बा ३९ प ५१८० नम्बरको मोटरसाइकल , गएराती पौने १० बजे सडक छेउमा रोकिराखेको बा २१ च ८८९५ नम्बरको जिपमा ठोकिँदा चालकको मृत्यु भएको छ । मृत्यु हुनेमा मोटरसाइकल चालक कालिकोट घर भइ कोटेश्वर बस्ने २० वर्षीय धर्मेन्द्र बम रहेका छन् । उनको पछाडी सवार जगदीश शाही घाइते भएका छन्।
प्रहरीले जनाए अनुसार गम्भीर घाइते भएका धर्मेन्द्र बमको उपचारका क्रममा पेप्सीकोलास्थित मदरल्याण्ड अस्पतालमा मृत्यु भएको हो । भने अर्का घाइते कैलालीका १८ वर्षीय जगदीश शाहीको काठमाण्डौ मेडिकल कलेजमा उपचार भइरहेको छ ।
