साझाट्युव : वैशाख २१, काठमाडौं ।
यहि वैशाख ३० गते हुने स्थानीय तह निर्वाचनमा निर्वाचन आयोगले विभिन्न पदमा उम्मेदवारी दिएकाहरुको सूची सार्वजनिक गरेको छ ।
आयोगले १ लाख ४५ हजार ९२ जना उम्मेदवारको सूची सार्वजनिक गरेको हो ।
सूची बुधबार बेलुकी सम्म सार्वजनिक गर्ने भनिए तापनि प्राविधिक समस्याका कारणले सूची प्रकाशन गर्न ढिलाई भएको आयोगको जनाएकाे छ ।
अहिले सार्वजनिक भएको सूचीमा थपघट हुन सक्ने आयोगले उल्लेख गरेको छ । आयोगको प्रणालीमा प्रविष्ट भएको आधारमा मंगलबार सूची सार्वजनिक भएको हो ।
आयोगले विज्ञप्तिमा उल्लेख गर्दै सूचीमा थपघट हुन सक्ने जनाएको छ केही स्थानमा निर्वाचनको संशोधित कार्यक्रम गर्नुपर्ने तथा केही स्थानहरुमा इन्टरनेट, विद्युत् अवरुद्ध भएका कारणले प्रणालीमा प्रविष्ट हुन बाँकी भई विवरणमा केही थपघट हुन सक्ने आयोगको विज्ञप्तिमा उल्लेख गरिएकाे छ ।
