साझाट्युव : वैशाख २१, काठमाडौं ।
कञ्चनपुरमा माओवादी कार्यकर्ताबाट एमाले कार्यकर्ता कुटिएका छन्।
चुनाव प्रचार प्रसारको क्रममा कञ्चनपुर, भीमदत्त नगरपालिका–१९ बागफाँटामा नेकपा माओवादी केन्द्रका कार्यकर्ताबाट नेकपा एमालेका कार्यकर्ता अञ्जु चौधरी र राजेन्द्रप्रसाद अवस्थी कुटिएका छन् ।
कञ्चनपुर जिल्ला कमिटीका एमाले उपसचिव कर्णबहादुर चन्दले जनाए अनुसार अञ्जुको टाउको र छातीमा चोट लागेको छ भने अवस्थीको पनि छातीमा चोट लागेको छ । नेकपा माओवादी केन्द्र र नेकपा एकीकृत समाजवादीले बुधबार बागफाँटामा संयुक्त र्याली निकालेको थियो ।त्यो र्यालीमा एमालेका कार्यकर्ता पुगेपछि सो घटना घटेको हो।
कुटपिट गरेको भन्दै एमालेले प्रहरीमा उजुरी दिएको चन्दले जनाए । उनले भने ‘कुटपिट गर्नेहरुलाई कारबाहीको माग गर्दै निवदेन दिएका छौं, घाइतेहरुलाई महाकाली अस्पतालमा भर्ना गरेका छौं,’।
