साझाट्युव : २८ वैशाख, काठमाडौं ।
आज बुधबार बिहान कलंकीमा टिपरले मोटरसाइकललाई ठक्कर दिँदा एक जनाको मृत्यु भएको छ। मृत्यु हुनेमा धादिङको धुनिवेशी नगरपालिका- २ बस्ने ४५ वर्षीय दिवाकर अधिकारी रहेका छन्।
थानकोटबाट स्वयम्भूतर्फ आउँदै गरेको बा८०प ६३७३ नम्बरको मोटरसाइकललाई सोही दिशाबाट आउँदै गरेको बा५ख ७३४५ नम्बरको टिपरले आज बिहान ३ बजे ठक्कर दिएको हो।
टिपरको ठक्करले गम्भीर घाइते भएका उनको महाराजगञ्जस्थित शिक्षण अस्पतालमा उपचारको क्रममा मृत्यु भएको हो।
दुवै सवारी साधन र टिपर चालकलाई प्रहरी वृत्त कालिमाटीले नियन्त्रणमा लिएको छ।
