साझट्युब : ३० वैशाख,सुर्खेत । माथिल्लो हुम्लाको तंखेली गाउँपालिका २ स्थित महादेव मावि मतदान केन्द्रमा मतदानका क्रममा झडप भएको छ ।
एक समूहद्वार प्रहरीमाथि ढुंगामुढा गरेपछि प्रहरीले पनि ७ राउण्ड गोली चलाएको छ ।
स्थानीयको ढुंगामुढादेखि मतदान अधिकृतसमेतगरि २ जना घाइते भएका छन् ।
ढुंगामुढादेखि मतदान अधिकृत कृष्ण प्रसाद आचार्य अनि कार्यालय सहयोगी घाइते भएको कर्णाली प्रदेश कार्यालयका एसएसपी राजेश नाथ बास्तोलाले बताए ।
यस्तै अदानचुली मतदान केन्द्रमा ढुंगा हानाहान भएको छ । सो क्रममा उत्पन्न परिस्थितिलाई नियन्त्रणमा लिन प्रहरीले दुई राउण्ड हवाइ फायर गरेको छ ।
श्रीमतीको नाममा एक व्यक्तिले भोट हाल्न पाउनु पर्छ भन्ने अडान राखेपछि अदानचुली गाउँपालिका–४ मा भएको मतदान केन्द्रमा विवाद भएको थियो ।
