साझट्युब :२ जेठ, अछाम ।
अछामको बान्नीगढी जयगढ गाउँपालिकामा दाइले जितेका छन् भने भाईले हार बेहोर्नु परेको छ । नेपाली काँग्रेसका टेकबहादुर साउँदले एमालेका लोकबहादुर साउँदलाई ४ सय ९८ मतान्तरले पराजित गरेका हुन् ।
टेक ३ हजार ११२ मतसहित विजयी भएका हुन् भने लोकले २ हजार ६१४ मत मात्र पाए । बान्नीगढ-३ बर्दादेवी धारासैन घर भएका साउँद दाजुभाइ फरक(फरक पार्टीबाट उम्मेदवार बनेका थिए । एउटै खलकका उनीहरुका बुवा दाजुभाइ हुन् ।
उपाध्यक्षमा भने एमालेका विन्दु रावल निर्वाचित भएकी छन् । रावल २ हजार ७ सय ३१ मतसहित निर्वाचित हुँदा निकटतम प्रतिस्पर्धी माओवादी केन्द्र उम्मेदवार निर्मला साउँदले २ हजार ७ सय १७ मत पाइन् ।
