साझट्युब : ६ जेठ, बुटवल ।
रुपन्देहीको बुटवल उपमहानगरपालिकाको मेयर पदमा पाँच दलीय गठबन्धनका उम्मेदवार खेलराज पाण्डेले प्रतिस्पर्धी भन्दा ६ हजार बढी मतान्तरले अग्रता लिएका छन् ।
उपमहानगरपालिका १९ वडामध्ये १७ वडाको मतपरिणाम आउँदा कांग्रेसका पाण्डेले पाण्डेले २३ हजार ४३३ मत ल्याएका छन् भने उनका प्रतिस्पर्धी एमालेकाले १७ हजार ३९ मत पाएका छन् । हालसमम् पाण्डे ६३९४ मतले अघि छन् ।
उपमेयरमा भने एमालेकी सावित्रा अर्याल निकटतम प्रतिस्पर्धी भन्दा ५४५६ मतले अघि छन् । अर्यालले १८ हजार ८७५ मत प्राप्त गर्दा गठबन्धनका उम्मेदवार एकीकृत समाजवादीका चिनबहादुर गुरुङले १३ हजार ४१९ मत पाएका छन् ।
बुटवलमा सबैभन्दा धेरै १० हजार ३०० मत खसेको वडा नं ११ र ४२८० मत खसेको वडा नं. १२ को मतगणना जारी छ ।
