साझट्युब :१० जेठ, काठमाडौं।
जेठ १३ गते शुक्रबारबाट प्रदर्शनमा आउन लागेको फिल्म ‘कबड्डी ४’ को टिकट बुकिङ सुरु भएको छ ।
सोमबारदेखि नै टिकट बुकिङ खुला गरेको हो । बुकिङ सुरु भएसँगै क्यूएफएक्स, बिग मुभिज, एफक्यूब, बीएसआर मुभिजलगायका मल्टिप्लेक्सहरुमा यसको उत्साह देखिएको छ ।
फिल्ममा दयाहाङ राई, मिरुना मगर, सौगात मल्ल, बुद्धि तामाङ, गाउँमाया गुरुङ, कमलमणि नेपाल र स्व. जयानन्द लामाको मुख्य भूमिका रहेको छ ।
रामबाबु गुरूङले निर्देशन रहेको फिल्मलाई विशाल गुरुङ एलजी, सुष्मा गुरुङ, मधु मिजार, मणिराम पोखरेल र ओमचन्द रौनियारले निर्माण गरेका हुन् ।
पहिलो, दोस्रो र तेस्रो भागमा अत्याधिक दर्शकको साथ पाएको फिल्मको यो अन्तिम भाग हो । त्यसैले फिल्मको नाममै भनिएको छ, ‘द फाइनल म्याच’ ।
निर्देशक रामबाबु गुरुङ र उपेन्द्र सुब्बाले मिलेर लेखेको फिल्ममा निमेश श्रेष्ठको सम्पादन र शैलेन्द्र डि. कार्कीको छायांकन रहेको छ ।
