साझाट्युव : ७ असार, काठमाडौं ।
राष्ट्रिय परीक्षा बोर्डद्वारा यो वर्षको (एसईई) परीक्षाको नतिजा यो महिना असार मसान्तभित्र सार्वजनिक गर्ने तयारी भएको छ । यसका निम्ति बोर्डले तीव्रताका रुपमा आवश्यक काम भईरहेको बताएको छ ।
बोर्डका अध्यक्ष डा. महाश्रम शर्माका अनुसार यसपटक एसइईको नतिजा समयमै सार्वजनिक गर्नका निम्ति आवश्यक कार्य तीव्ररूपमा गरिरहेको छ । प्राविधिकरूपमा समस्या नभएता पनि असार ३२ गतेभित्र नै नतिजा सार्वजनिक गर्ने गरी काम गरिरहेका जानकारी दिए ।
राष्ट्रिय परीक्षा बोर्डका परीक्षा नियन्त्रक अर्जुन रायमाझीले एसईई (कक्षा १०) एसईई परीक्षाको नतिजा असार ३२ गते भित्रै सार्वजनिक गर्ने तयारी भईरहेको बताए । हाल उत्तरपुस्तिका परीक्षणको कार्य सम्पन्न भएर संपरीक्षणको कामसमेत अन्तिम चरणमा पुगेको उजले कम्प्युटर इन्ट्री गर्ने, रुजु गर्नेलगायतका काम भइरहेको उनले जानकारी दिए । त्यस्तै ‘ सबै काम सकेर असार मसान्तभित्र नतिजा सार्वजनिक गर्ने तयारीमा छौँ रायमाझीले ।
कार्यालयले असार २० गते सम्ममा प्राप्ताङ्क इन्ट्री गर्ने, २१ र २२ गतेमा मिस म्याच गर्ने र २३ बाट २९ गतेसम्म टेबुलेसन गर्ने र ३२ मा नतिजा सार्वजनिक गर्ने गरी कार्ययोजना अनुसार काम गरिरहेको जानकारी दिए ।
