साझाट्युव : चैत १, काठमाडौं।
प्रमुख प्रतिपक्षी नेकपा (एमाले)को केन्द्रीय सचिवालयको बैठक आज ३ बजे बस्दैछ । एमाले अध्यक्ष केपी शर्मा ओलीको आफ्नै निवास बालकोटमा बैठक बस्ने भएको छ ।
एमाले प्रचार विभागका उपप्रमुख विष्णु रिजाललले बताए अनुसार आजको बैठकमा समसामयिक परिस्थिति र स्थानीय निर्वाचनको तयारीका विषयमा छलफल हुनेछ ।
साथै,आजको बैठकमा पार्टीका स्थायी कमिटी, पोलिटब्युरो र केन्द्रीय कमिटीका आसन्न बैठकहरूको तयारीलगायतका विषयमा पनि छलफल हुने उनले बताए ।
स्रोतका अनुसार चैतको दोस्रो सातासम्म तीन वटै बैठक बसेर स्थानीय तहको तयारी अगाडि बढाउने एमालेको तयारी रहेको छ ।
आजको बैठकले उम्मेदवार छनोट, घोषणापत्र तयार लगायतका मापदण्ड समेत बनाउने बताइएको छ ।
