साझाट्युव : चैत ८,काठमाडौं ।
पछिल्लो २४ घण्टामा देशभर थप ४४ जनामा कोरोना भाइरस संक्रमण पुष्टि भएको छ भने एक जनाको मृत्यु भएको छ ।त्यस्तै कोरोनाबाट ४८१ जना निको भएका छन् भने
४ हजार ४९५ पीसीआर परीक्षणमा ३५ जना र २ हजार ९९ एन्टीजेन परीक्षणमा ९ जना गरी ४४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
हाल देशभर २ हजार ६८८ जना सक्रिय संक्रमित रहेका छन् । जसमा २ हजार ६३७ जना होम आइसोलेसनमा र ५१ जना संस्थागत आइसोलेसनमा रहेका छन् । साथै,कोरोनाका बिरामीमध्ये २३ जना आईसीयू र २ जना भेन्टिलेटरमा उपचाररत् छन् ।
हालसम्म नेपालमा कोरोना संक्रमितको कुल संख्या ११ लाख १८ हजार ३२३ पुगेको छ । नेपालमा मृत्यु हुनेको संख्या ११ हजार ९५१ पुगेको छ। त्यसैगरी,९ लाख ६३ हजार ५९२ जना संक्रमणमुक्त भएका छन् ।
१० वर्ष मुनिका ३ जना बालबालिका र १ देखि २० वर्ष उमेर समूहका १ जना कोरोना संक्रमित थपिएका छन् ।
